El levrig tanav-mañ ez eus teir danevell diwar un hevelep tem : an haikus. Iskisat tem evit un dastumad danevelloù, met pa lenner anezho ne gaver ket ken souezhus-se ken.
Tost tre eo aergelc’h Daoulagad ar Werc’hez ha Sed va fri ouzh kontadennoù, met kontadennoù romantaet, evel re Astrid Lindgren. Plijus-tre int ha leun a ijin. Kouviadenn Tonton H. zo un danevell glaseloc’h a luch war-zu ar fent kentoc’h ha dont a ra brav gantañ ivez. Brav eo ar yezh, resis, skeudennet : dedennus eo ar skridoù-mañ estreget evit bugale.
Ar gudenn, gant ar skrivagner-mañ, a vez atav ar memes hini : blaz ar re nebeut…
Ober un evezhiadenn