Embannadur brezhonek eus 2015.
Kontrol da Vodou zo amañ, Pourmenadenn Yaya zo evit ar vugale. Tremen a ra e-pad an eil brezel-bed e 1937. Harozed ar vannenn-treset-mañ zo daou vugel eus metoù disheñvel. Yaya, plac’hig pinvidik eus Shangaï, n’eo ket evit muzuliañ grevusted ar brezel : kenderc’hel a ra da heuliañ he soñj a zo tremen ur genstrivadeg piano, daoust ma vije bet kemeret gant he zud bilhidi-bag evit tec’hout diouzh kêr an derc’hent. Harzhet e vo war he hent gant ur vombezadeg. N’eus ket mui eus ar bed a anaveze ha krediñ a ra d’he zud eo marvet. Kroaziañ a ra hent Tuduo, ur paotrig paour-razh, tec’het eus al lec’h ma oa o krakvevañ peogwir e veze gwallgaset. Kenderc’hel a ra an daou vugel da dec’hout asambles, siwazh, tud zo war o roudoù…
Ur souezh eo kalite ha liesseurted ar bannoù-treset brezhonek embannet nevez ‘zo. Honnezh zo brav c’hoazh, a vent bihan, treset a-zoare (doare manga met lipet-brav), gant talennoù diwezhañ leun a vunudoù a zo gwir taolennoù anezho. Kalz arlivioù zo el livaoueg implijet hag ur blijadur eo mont a benn da benn eus al levrennig-mañ. Ur wezh echu, e ouezer diouzhtu ne c’hello ket bezañ graet mod-all eget lenn ar pezh a zeuio da heul. Plijout kalz a ra d’ar vugale ivez. Spi em eus e vo embannet ar peurrest ingal (ma n’eus nemet ul levrenn e brezhoneg, ez eus 9 dija e galleg) dindan nebeut amzer.
Ebrel 11th, 2017 at 18:17
Keleier vat evidoc’h : Nn 2 zo embannet: ” AR BRIZONIADEZ – POURMENADENN YAYA T.2 ” € 10.00 gant Coop-Breizh ( hag staliou’ all?)
Al liamm eviti ”
http://www.coop-breizh.fr/7571-ar-brizoniadez-pourmenadenn-yaya-t2-9782868242662.html “
Ebrel 11th, 2017 at 18:35
Re wir eo, trugarez ! Bez em bo anezhañ a-benn nebeut 🙂
Meurzh 26th, 2018 at 15:06
” POURMENADENN YAYA 3 Ar Sirk ” a zo er-maez.
Gouere 12th, 2018 at 15:13
Degemer mat endro.
Degasadenn da soñj :
” AR BRIZONIADEZ – POURMENADENN YAYA T.2
” POURMENADENN YAYA T.3 Ar Sirk ”
Gouere 17th, 2018 at 12:24
A ! ya, gwir eo, n’em boa ket soñj ken. Lakaet on diaes gant ar vro orin : dre m’eo sinat an treser, daoust hag-eñ e tlean lakaat Sina, d’ho soñj ?
Ebrel 6th, 2019 at 13:23
Unan-all da brenañ? ( ha da lenn ).
POURMENADENN YAYA 4 An enezenn
€10.00 embannet gant KVB 2019-04-10 96p
gant Coop-Breizh.
https://www.coop-breizh.fr/8962-pourmenadenn-yaya-4-an-enezenn-9782868243164.html
Ebrel 6th, 2019 at 13:27
Lechienn KVB;
http://keit-vimp-bev.com/index.php/fr/livres/livres-6-10-ans/an-enezenn-pourmenadenn-yaya-4-detail